Sport, Arti e Cultura

Home 5 13 chistionis 5 Sport, Arti e Cultura

Su sport, finsas a oi, dd’ant cunsiderau che a elementu marginali de s’adelantamentu econòmicu e sotziali de sa tzitadi. Creeus chi siat lòmpia s’ora de introdusi su sport aìnturu de is inditadoris mannus de s’adelantamentu e comenti elementu de esaltatzioni de is balimentus èticus universalis. Eus a fai cumentzai unas cantu fainas de importu: de s’arregorta de dinai a su torrai a cualificai su stàdiu de Is Arenas in” Polo dello Sport” e de is imprantus sportivus de apendìtziu, a s’adelantamentu de canalis preferentzialis po is cuncessionis de is imprantus pùbricus po is sotziedadis de diletantis, finsas a ponni dinai de is arresorsas stratègicas po spainai is fainas sportivas intre is studiantis etotu. Su sport che a educatzioni.

Arti e cultura, imprus, ant a bessiri che a incitamentu po pensai unu tempus benidori abertu a 360°, afortiai e allonghiai su pigai parti de is tzitadinus a sa vida culturali de su territòriu e adelantai sa visibilidadi internatzionali de sa tzitadi, gràtzias a un’arretza de fainas acapiadas s’una a s’àtera e cumpartzias de totus, po una calidadi noa de bivi is balimentus de sa comundadi e po arrecuperai is elementus de prus importu de s’identidadi nosta.

SCEBERA DE BIVI IN D-UNA TZITADI:

  • CHI STIMAT SU SPORT
  • CHI TENIT A CORU S’ARTI
  • CHI DEFENSAT IS BALIMENTUS SUUS

progetus:

  • Fai su “Polo dello Sport” nou a is Arenas, torrai a cualificai su Velòdromu e is imprantus de su sport prus stratègicus.
  • Sport e disabilidadi: favoressi s’atividadi sportiva, promovi sa saludi e amellorai s’inclusioni sotziali de sa personi cun problemas
  • Fai su “Polo dell’Arte e del Design” Progetatzioni e pianificatzioni de atòbius sportivus mannus, de
    mùsica e culturalis.
  • Avaloramentu de su patromòniu stòricu, artìsticu e de is festas religiosas.

Christian

Stevelli

Christian

STEVELLI