Sotziedadi e Famìllia
Boleus fai unu sistema sotziali chi potzat torrai a stabilessi su funtzionamentu giustu de is cumponentis suus, torrendi a arrecuperai una dimensioni fata apostadamenti po sa famìllia. Una famìllia chi bèssit mòlliu po una sotziedadi solidali, partecipada e giusta. Eus a aplicai su progetu po torrai a fai e amodernai su sistema de is serbìtzius de importu mannu po su tzitadinu cun arreferimentu a chini tenit problemas sotzialis, a is bècius e a is famìllias e cun s’aciunta de un’amelloramentu de is serbìtzius de agiudu e consulèntzia a is babbus e mamas.
Boleus amellorai e torrai a cualificai s’arrelata intre Comunu e tzitadinus gràtzias a una manera prus simpli de arriciri is informus e is serbìtzius e circai de ratzionalisai is procedimentus aministrativus. Boleus una tzitadi prus allirga e fata apostadamenmti po sa famìllia, una tzitadi chi potzat essi prexada e chi si potzat bantai de is assòtzius de bolontariau suu e de sa polima comunali sua po una tzitadi sèmpiri prus solidali e sigura.
SCEBERA DE BIVI IN D-UNA TZITADI:
- PO SA FAMÌLLIA
- SOLIDALI
- SIGURA
progetus:
SOCIAL GATE:
- Ratzionalisatzioni de su sistema de is serbìtzius a sa populatzioni
- Amelloramentu de s’eficèntzia e/opuru de sa calidadi de s’arretza de is serbìtzius de oindii po sa famìllia e su standard de calidadi de si
scolas de sa pipiesa. - Afortiamentu de is serbìtzius de agiudu donaus a personis no indipendentis o cun problemas (agiudu po is bècius, torrai a cualificai domus po arriciri is bècius chi tenint abisòngiu de agiudu, agiudu a disàbilis, serbìtzius de agiudu po is pipius)
Cuartu Tzitadi sigura (“Quartu Città Sicura”):
- sistemas de vìdiu-castiadura e tzentrali informàtica aunia po afortiai sa seguresa pùbrica.
• Basi oberadora ùnica e agiudu econòmicu po is assòtzius de Bolontariau.
